阿木台灣麵 (D2 Place TWO)

营业中

休息中

上個月去完台灣返黎又好掛住台灣野啦，最近發現阿木台灣麵係荔枝角D2 place開左新分店，今日約埋朋友一齊去試下。酸菜牛肉麵湯頭第一啖就令人驚豔，濃郁牛肉湯底搭配酸菜爽脆，酸度剛好，而且更加提升左湯頭既層次感。牛肉片好足料，肉質軟嫩不柴。粗麵口感Q彈有嚼勁。 拍得住台灣當地味道👅炸雞排雞排好大份，外皮炸得金黃酥脆，肉質依然保持多汁嫩滑，醃得好入味，帶淡淡蒜香同胡椒香氣。雖然係炸物，但食落唔會好油膩，香脆可口反而讓人一口接一口。麻醬拌麵配古早炸雞排麻醬醬汁濃郁香醇，芝麻香氣撲鼻，麵條撈勻醬汁食口感滑順，啖啖麻醬香。跟餐既古早炸雞排同單點既炸雞排又略有不同，外皮更薄，肉質偏紮實，同麻醬拌麵搭配一齊食好夾。 阿木台灣麵餐點整體表現出色，尤其係酸菜牛肉麵，值得一試。下次再黎試埋滷肉飯同鹽酥雞。