潮龍園

营业中

休息中

喺附近上完運動堂，近近哋都諗住食啲嘢補充力量，行經呢間潮龍園見到咁夜都有唔少人，而且香味撲鼻，入去試下，點咗個牛腩雲吞麵食再配凍檸茶。雲吞大大粒，入面仲有粒粒蝦肉，夠彈牙又足料，雲吞紥實又有咬口，潮州粉麵嘅雲吞真係特別好食！另外牛腩同樣出色，炆得非常夠火喉，好有牛肉味，唔會淋到一pat野但食落又唔會韌，重點係半肥瘦咁嘅效果，牛脂同牛肉都有，仲要係唔少牛腩，好食亦抵食！麵食落去唔會有陣鹼水味，份量都多，食完真係夠晒滿足，再飲杯凍檸茶畫個完美句號！如果唔係夜晚廢是咁飽，真係叫埋炸魚皮試下，睇隔離睇食好吸引。