川火堂

营业中

休息中

朋友好鍾意食川菜，見到呢間鋪就即刻入咗去，佢嘅套餐真係好抵食，仲要喺銅鑼灣區。黃金皮蛋皮蛋竟然都有溏心，配上蒜蓉，紅油，另外好似有啲酸菜，味道特別帶有一種煙燻嘅味道。經典乾鍋入面有好多配料，包括有蓮藕片，花椰菜，牛肉，雞肉，薯仔片等等，辣度啱啱好，又有香料既味道，配飯真係一流。膠原脆皮豬手豬手上面有洋蔥，蔥，辣椒等，賣相幾吸引，外脆內軟Q彈，感受到滿滿既骨膠原，而且唔係好油膩，又無豬騷味，平時吾食豬手既我都覺得幾好食😋手工紅糖糍粑每次食川菜都必點，糍粑本身好煙韌，再放上滿滿黃豆粉同黑糖醬，完全包裹住糍粑。 熊貓冰粉有個好得意既熊貓公仔，一上枱就狂影相，冰粉本身唔太甜，滑溜溜，口感順滑，配上有咬口既花生，提子乾，加重口感，可作飯後甜品，好滿足。