Burgerman (埃華街)

营业中

休息中

前排朋友帶左我去埃華街食過台灣嘢後，今次佢話有一隻burger都好正，而且價錢都幾抵食，因為大大份，仲可以食到和牛漢堡添。其實路唔難搵，沿住埃華街直行到尾就係啦，餐廳有好多漢堡包的選擇，加20蚊就可以升級做餐，我地叫左一個菠蘿炸雞腿包和和牛漢堡，加餐分別配薯格和沙律，我個fd就飲可樂，我就加多5蚊飲椰青水，其實都幾好，唔係個個都飲汽水，佢就提供左好多選擇了。和牛漢堡入面的肉好juicy多汁，絕對方唔會嘥左佢係和牛，加上煮得恰到好處，而且調味啱啱好，唔會過鹹真係值得推薦。菠蘿雞腿方面，真係好大個，我相信係雞腿的關係，加上個燒菠蘿的菠蘿汁，同炸雞腿一齊食，可以中和佢的油膩感，所以呢個配搭的確令人好想食多幾啖。最後值得一提的係椰青水，雖然佢係罐裝飲品，但佢係100%椰水，所以只係椰青的甜味，唔會係汽水的死甜，啱晒我呢啲少食糖的人士，同埋增加Quote食甜品。