第三站

放假同friend出旺角，行完街就嚟咗呢一度食TEA，餐廳環境以白色為主，有大玻璃望落好舒服，令人好relax，仲有埋board game⭐️意式芝士肉醬扁意粉芝士係以條條狀鋪喺意粉上面，令到整體食落唔會太膩，而肉醬更加中和左膩嘅感覺，令到有芝士味之餘，又好fresh⭐️黑松露帶子鮮菌燴意大利飯黑松露味道好濃郁，佢同帶子&鮮菌嘅味道好夾，識落感覺香，值得一試⭐️天婦羅魷魚 佢嘅份量唔少，而且炸到好脆，口感嚟講一流⭐️蜜糖芥末單骨雞翼因為佢只係得一條骨，所以食落好方便，肉質都好彈牙，芥末蜜糖可以自己淋上去，因應自己嘅喜好去調節⭐️巴斯克芝士蛋糕只睇外觀，都已經值得一試，蛋糕仲入口即溶，正⭐️小天使呢一個係特色花茶，材料有薰衣草、紅玫瑰花、茉莉花、檸檬草，感覺好清香