台北倆伴

营业中

休息中

今日去大圍行街，見到有間台式餐廳「台北倆伴」好多人食，決定試吓，佢下午茶套餐非常抵食！選擇都好多！有台式特色嘅滷肉飯、麵線、台灣小食、蛋餅…呢啲搭杯嘢飲都只係幾十蚊，CP值非常高！裝修唔錯，環境仲非常舒適，台灣國語歌曲嘅背景音樂，超有氣氛。下午茶餐：逢甲肉鬆榨菜蛋餅 配飲品鮮柳橙四季春。出面好少食到有榨菜肉鬆嘅蛋餅，蛋餅皮薄，豐富嘅肉鬆，口感層次好高，切成4段方便食用。下午茶餐：台南擔仔米粉，嘢飲揀配大甲芋頭芋圓鮮奶。擔仔米粉賣相吸引，充滿台南特色，撈埋肉燥非常惹味。鹽酥雞炸至金黃，酥脆香口。蟹黃秋葵 有豐富嘅蟹黃，邪惡又好味，配搭清爽嘅秋葵，健康又好味！