米線陣 (翡翠明珠廣場)

营业中

休息中

銅鑼灣行到攰 本身想去大家樂打個邊爐暖一暖身點知原來邊爐勁快就賣哂.... 想食啲暖笠笠既野 咁就唯有轉向隔離既米線陣啦左揀右揀 最後叫左個二人餐因為二人餐最抵食可以叫兩碗兩餸 再加一份小食 一碟菜 兩杯熱飲一碗叫左肥牛 牛肚米線另一碗係豬潤 豬大腸米線每碗都有啲芫茜 腐皮 芽菜襯托米線份量都幾多 口水雞既汁好好味 嫌個湯唔夠味既可以撈哂啲口水雞醬 甜甜地辣辣地口水雞既花生分開左放 唔會比啲醬浸到淋左 仲係脆卜卜👍🏻生菜油份岩岩好 保持到蔬菜既鮮綠色 又唔會油到反哂光咁兩個女仔食呢個餐可以食到勁飽