三人行燒烤專門店

营业中

休息中

三人行串燒燒烤幾抵食又幾好食，品種多元化而且價錢唔貴！經濟實惠，店內都乾淨光猛，幾有feel.芝士雞肉薄餅，個薄餅底夠薄，口感香脆！內層芝士半溶狀態而且非常之濃郁再加上雞肉真係多重口感，必叫之選。炸薯格份量夠多，香香脆脆唔會淋哂，薯香味夠正再配上茄汁，好夾！燒日本鯖魚，size幾大件，外層魚皮位香脆，內層魚肉剛到嫩白，魚香感幾突出，再加檸檬汁調出鮮味。泰國露荀，size細細條，露荀水都幾足，燒既火喉到位！keep到水份！感覺清新爽口。低温燒乳鴿，肉汁嫩滑而且好惹味，濃而不咸，味道好討好。啖啖肉好滋味！