輝哥私房菜

营业中

休息中

今日同朋友去食久違了的點心放題，呢度嘅放題分兩個時段供應, 每一個時段有一個半小時，時間都算適中，枱嘅擺位都闊落, 感覺良好🥰🥰，睇到點心紙, 提供嘅食物款式都好豐富，另外仲有大排檔可以自己去攞嘢食，特別要讚賞嘅係, 落單之後點心好快就到, 而且冇試過漏單, 限時嘅放題, 呢樣真係好重要, 真係要比個讚佢👍🏼👍🏼一般蝦餃, 燒賣, 腸粉呢啲必食點心當然有齊啦, 味道都唔錯, 另外嘅巧手小食都好出色，個人特別鍾意佢個燒汁牛柳粒😋😋，食咗幾碟呀，另外菜一般都只係白灼, 呢度會有唔同嘅煮法，當中嘅面醬唐山菜, 豉汁生炒涼瓜我覺得都好有水準，價錢又唔貴, 又唔使就價錢叫點心，真係食得放心又開心🥳🥳