輝哥私房菜

营业中

休息中

見做緊優惠，黎到位於佐敦嘅輝哥私房菜食吓佢嘅晚市海鮮盛宴放題。放題主打食海鮮，有肉蟹、貴妃蚌、北海道元貝、蠔、蝦、蜆、海螺等海鮮，仲可以自選煮法。另外亦有游水鮮魚同其他小菜、炒粉麵飯、甜品可以揀。一坐低先有海鮮拼盤食住先再慢慢點菜，拼盤有青口、白灼蝦同蒲燒鰻魚。海鮮整體黎講唔錯，算喺新鮮，而且即叫即整，唔喺行貨，貝殼類亦都冇砂。推薦薑葱/橋底炒肉蟹，有辣有唔辣，炒得惹味。另外芝士牛油焗生蠔亦都唔錯，蠔肉juicy，加埋芝士同薯蓉焗得香口。金銀蒜粉絲蒸北海道元貝大大隻，啖啖肉。如果鍾意食香口嘢，金沙炒鮮魷就夠哂邪惡，每一口都喺咸蛋黃香。至於小菜麵飯方面，食左水煮白鱔片同帶子海鮮粥，鱔片冇骨嫩滑而且入哂味。最後仲食左個菜，食埋個杞子桂花糕做甜品，大滿足。。。輝哥私房菜佐敦長樂街18號18廣場2樓。