捌加廿陸天婦羅居酒屋

营业中

休息中

佢哋午市都幾多人，樓下就係吧枱樓上就係餐枱。坐吧枱好處梗係可以望住佢即叫即炸熱辣辣香噴噴啦。佢哋啲天婦羅可以自選食物或者一個set咁定好晒啲材料。咁我就叫咗一份海鮮天丼，已經包咗前菜同埋一碗湯。碗湯以為係麵豉湯啦，但原來係蝦湯。佢哋炸蝦啲蝦頭同埋蝦殼我諗知道去到邊喇。個海鮮天丼包括有黑虎蝦1隻，帆立貝，那歌魚，蟹柳，本菇，紫菜，四季豆。全部都紮得好好外邊好脆入邊仲好濕潤。我諗就歸功於佢哋用冰水離開蓋粉漿同埋有個專用有王去炸天婦羅好似天婦羅專門店咁樣。所以做到嘅質素都唔會差得過高級天婦羅店，但係呢度只係修理$88真係超值。另外點咗份南蠻炸雞都係即叫即炸，加埋佢哋啲照燒汁同埋沙律醬送走真係一流不過，晏晝都係飲返汽水啦，因為佢哋呢度係玻璃樽裝，唔係度度地方有。如果唔鍾意食飯嘅，佢哋仲有烏冬可以選擇，午市嚟就抵啲，唔收加一。