影片
更多
2025-06-17
1564 浏览
今次約咗班friend收工星期一食飯，我哋決定一齊去食韓燒，燒晒啲煩惱佢！🔥今次嚟到位於旺角嘅韓燒大叔任食韓燒，餐廳位置超級方便，啱晒我哋唔同區返工嘅朋友，係一個好好嘅聚會地方。🏢而且裝修好闊落，每張枱都好大張，坐得好舒服，加上又唔會太嘈，好啱傾偈！💬由於我哋班friend係食肉獸，所以我哋今次揀咗任食韓燒，晚市每位都係$298起。除咗有好多唔同嘅肉類，仲可以去自助區度自己攞蔬菜同埋調味，另外都有啲無酒精嘅飲品，同埋自己製作甜品。🍰我哋食完飯之後都自己整咗杯雪糕，放上個格仔餅上面，再落咗啲棉花糖。🍦我哋拎晒菜同埋條味品之後返埋位落order，啲嘢食好快就上晒黎，真係好豐富，有唔同嘅海鮮同埋肉。同埋有唔同嘅小食，我幾鍾意佢個燒鰻魚同雞翼❤️🍗肉類我同啲朋友好推介牛肩胛同牛頸脊，呢兩款肉嘅肉質好嫩口，我哋忍唔住嗌咗好多轉。🥩另外佢嘅海鮮都好新鮮，尤其是係蝦。🦐我哋仲試咗人生第一次食墨魚咀，口感超級彈牙❤️如果好似我哋咁四個人訂枱，佢哋仲會送完塊安格斯牛扒俾你！🍖呢塊牛扒醃得好好，超級入味！另外仲可以加$88任食海鮮刺，同一蚊追加以下優惠：慶州千年韓牛西冷一鬼（$318）/ 韓國直送醬油蟹拼盤一
今次嚟到位於旺角嘅韓燒大叔任食韓燒，餐廳位置超級方便，啱晒我哋唔同區返工嘅朋友，係一個好好嘅聚會地方。🏢而且裝修好闊落，每張枱都好大張，坐得好舒服，加上又唔會太嘈，好啱傾偈！💬
由於我哋班friend係食肉獸，所以我哋今次揀咗任食韓燒，晚市每位都係$298起。除咗有好多唔同嘅肉類，仲可以去自助區度自己攞蔬菜同埋調味，另外都有啲無酒精嘅飲品，同埋自己製作甜品。🍰我哋食完飯之後都自己整咗杯雪糕，放上個格仔餅上面，再落咗啲棉花糖。🍦
我哋拎晒菜同埋條味品之後返埋位落order，啲嘢食好快就上晒黎，真係好豐富，有唔同嘅海鮮同埋肉。同埋有唔同嘅小食，我幾鍾意佢個燒鰻魚同雞翼❤️🍗
肉類我同啲朋友好推介牛肩胛同牛頸脊，呢兩款肉嘅肉質好嫩口，我哋忍唔住嗌咗好多轉。🥩
另外佢嘅海鮮都好新鮮，尤其是係蝦。🦐我哋仲試咗人生第一次食墨魚咀，口感超級彈牙❤️
如果好似我哋咁四個人訂枱，佢哋仲會送完塊安格斯牛扒俾你！🍖呢塊牛扒醃得好好，超級入味！另外仲可以加$88任食海鮮刺，同一蚊追加以下優惠：慶州千年韓牛西冷一鬼（$318）/ 韓國直送醬油蟹拼盤一份（$298）。🦀
如果嗰個月有人生日嘅話，只要出示到有效嘅身份證明文件就可以獲得免單優惠。（只限星期日到四，同埋要八個人或以上出席，每台最多可以有一個生日人士名單同埋享有一個蛋糕免切餅費）。🎂
*優惠係唔包括服務費同埋其他額外單點項目，
*唔可以同其他優惠同時使用，餐廳會保留最終決定權。
韓燒大叔
📍旺角西洋菜南街51號友誠商業中心5樓
张贴
