影片
更多
2022-09-26
72 浏览
喺海運大廈近海電梯上兩層，再向前行多二三十米，就到Terrace in Seaside，途中見到黃昏海景，好靚！餐廳裝修以白、灰色為基調，門口仲有橘子、綠葉做裝飾，簡約清新，感覺悠閒舒適！目測餐廳大概提供三、四十個座位，繁忙時間座無空席，好彩早到！餐廳係韓國仁川過江龍，食物飲品賣相幾有特色，而且份量勁大份，性價比好高！➺➺青醬大蝦意粉$112青醬味道濃郁，仲帶有好香橄欖油味！意粉煙韌，而且份量十足！大蝦彈牙！仲有加咗酸醋嘅沙律菜，平衡返殿粉質嘅飽肚感！➺➺無骨炸雞（蜂蜜牛油炸雞）（半份）$108人氣食品，幾乎每枱一碟！離遠已經聞到勁香蜜糖味，炸完嘅雞肉仲保持到肉汁鮮嫩！上面嘅年糕幾綿糯，食落唔錯，有驚喜！➺➺韓式豬手（半隻） $158豬手皮爽肉有𡁻頭，比較有口感，唔係軟腍腍果種，外層本身已沾滿韓式醬油！配埋蒜片、辣椒、泡菜、紫蘇葉，再加好多韓式辣醬，用生菜包住食，好juicy又滋味！➺➺仲夏清甜菠蘿忌廉三明治$68外層白麵包鬆軟，忌廉幾幼滑，菠蘿多汁酸甜，成個配搭感覺輕盈！➺➺士多啤梨提拉米蘇$68自己好鍾意食tiramisu，呢個乳酪好滑，有淡淡咖啡香，加埋士多啤梨果肉，配搭幾新鮮！
➺➺青醬大蝦意粉$112
青醬味道濃郁，仲帶有好香橄欖油味！意粉煙韌，而且份量十足！大蝦彈牙！仲有加咗酸醋嘅沙律菜，平衡返殿粉質嘅飽肚感！
➺➺無骨炸雞（蜂蜜牛油炸雞）（半份）$108
人氣食品，幾乎每枱一碟！離遠已經聞到勁香蜜糖味，炸完嘅雞肉仲保持到肉汁鮮嫩！上面嘅年糕幾綿糯，食落唔錯，有驚喜！
➺➺韓式豬手（半隻） $158
豬手皮爽肉有𡁻頭，比較有口感，唔係軟腍腍果種，外層本身已沾滿韓式醬油！配埋蒜片、辣椒、泡菜、紫蘇葉，再加好多韓式辣醬，用生菜包住食，好juicy又滋味！
➺➺仲夏清甜菠蘿忌廉三明治$68
外層白麵包鬆軟，忌廉幾幼滑，菠蘿多汁酸甜，成個配搭感覺輕盈！
➺➺士多啤梨提拉米蘇$68
自己好鍾意食tiramisu，呢個乳酪好滑，有淡淡咖啡香，加埋士多啤梨果肉，配搭幾新鮮！
➺➺濟州柑橘乳酪$68
店內人氣飲品，幾乎每人一杯！飲品膠杯上面插咗個空心橙，賣相好有特色！乳酪味突出，又帶有少少柚子味，酸酸甜甜，幾清新！
➺➺熱情金菠蘿沙冰$68
外賣同樣有特色，打卡啱晒！加入咗打碎嘅菠蘿肉，配合綿密嘅沙冰，提升口感！酸味味，消濟，不錯！
张贴
