煙三文魚牛油果蟹子沙律 • HKD$98
明明上網見其他人都有蟹子，但我嗰碟嘅蟹子唔見左
但面層鋪有蟹肉，食落幾濃蟹味同有淡淡黑椒味～
成個他他都好清新，配埋脆卜卜嘅多士食好夾
睇落幾少，但原來都夠飽
宮崎南蠻炸雞弁當 • HKD$88
個便當包裝得好靚，而且拎上手暖暖地嘅
入面有兩個飯團、冷盤小菜同埋炸雞，飯團分別係美極味同三文魚鬆嘅～
美極味嗰個好普通，三文魚鬆嗰個就食落味道豐富d～
炸雞嘅炸衣好薄，配埋沙律醬都幾好食
黑糖玫瑰咖啡 • HKD$52
飲落好香玫瑰味，咖啡豆味都好出
但成杯野又唔怕苦，冇飲開咖啡嘅人都覺得好飲
金絲黃菊雪梨茶 • HKD$88
客人可以按自己喜好將配料放落個茶壺度，然後店員先會加熱水沖～
我叫嘅呢個組合幾潤，好啱乾燥天氣飲
店員仲會幫手加水，同朋友傾計都唔怕傾到口乾
