潮州鹵漢大飯店

一行8人慶祝frd結婚。入去之前我地先選擇左C餐因為人多,有幾位都係牛魔王。可以加錢算鴛鴦鍋，海鮮袋有3隻味我地人多選擇左最正路嘅蒜蓉海鮮。

餐廳依家做任食好多之前嘅美食都冇左。先講出面自取嘅春卷，鵝件，就平平冇奇。反沙芋最出色，我地最尾食完再encore。雪糕啲紙牌全部冇更新，明明寫芒果但見到粉紅色嘅士多啤梨。

C餐牛肉係食SRF，質素高我地keep住叫，冇話後期比啲差嘅貨。叫幾多上幾多冇話飛單，湯底選左沙茶同滷水。滷水出面冇餐廳可以打邊爐，frd都話好食，最後係甘叫牛同豬紅，牛肉一盒得4塊太少要係甘落單。