譚仔三哥米線 (幸福中心)

营业中

休息中

其實我食譚仔既年資比較淺，今年先第一次試，因為可能我係嗰區既譚仔的坐位比較迫，而且每次行經都好好好多人，連係門口排隊都勁多人！所以每次都只係望下就算，而去到其他區唔知點解就會想搵d靚靚地既坐低慢慢食，因此譚仔就唔會係我考慮既餐廳。還記得今年初，機緣巧合，朋友帶我黎試，佢好驚訝我竟然未食過，我肯定佢當時一定覺得我好港女。自此之後，有時做完treatment 肚餓自不然會食譚仔。呢日係尖沙咀做完facial, 自自然然就走左上去幸福中心，十二點鬆d冇乜人，做完facial冇化妝就搵左個自閉位坐低。因為冇食早餐，好餓，叫左兩送，平時都係叫一送，仲要少米。欣賞呢度少米會平一蚊，鼓勵大家(尤其係我呢d眼闊肚窄)唔好浪費。兩送其中一款係我每次必定食既豬肉，另外係魚蛋。成日食豬肉係因為鐘意佢夠滑，冇豬氣味，同埋豬肉冇牛肉咁燥。魚蛋好夠彈牙，加多五蚊定六蚊有四粒咁多，好抵食。湯底要麻辣，十小辣。其實譚仔既湯底真係令會人上引！係其他地方食米線係食唔到呢隻味。見到加十一蚊有手拍青瓜，加黎試下。上枱有小小失望，明明就咁切都唔係手拍，雖然好多醬汁，不過如果真係手拍會入味好多羅。唔係話唔好食，只係有D俾個名呃左