棋哥燒鵝餐室

营业中

休息中

鵝油撈粗就試得多，但係真正嘅棋哥燒鵝就未有機會試過， 今日經過於是就去試下， 我叫咗燒鵝米粉+凍檸茶小冰小甜， 其實呢玩嘢整體嚟講我覺得有少少失望， 首先碗米粉淥得太過淋， 然後湯底純粹係 鹽+味精 ，如果一碗嘢賣咁貴， 又唔係用好有心機嘅時間去淆製湯， 我覺得有啲黯然失色， 講返啲燒鵝都算多， 都有十舊八舊，而且唔係骨位，多肉，皮脆（雖然浸咗响水上面）， 食到有炭火燒嘅味，不過今日呢d好似過咗小小火，小肉嘅地方有d 燶味， 如果有得畀我揀我寧願都係食餐鵝油撈麵好過， 一嚟平啲，二嚟仲更加食到佢嘅油香金香味🥰🥰🥰 但係佢嘅燒鵝都不妨一試😂😂