影片
更多
2014-06-08
983 浏览
睇TBB 見到呢位頗天然呆既仁兄係節目對自己既豆製品咁有信心,就想試下...小弟少去中環,所以揾左一陣先揾到,一望到,已經見到門口有佢個様既易拉架,就一定係呢間!入面唔大,沒有坐位,堂食只有企,而且目測個空間勉強企到5,6個人到,所以佢主打外賣拎走既。去到堂食得1個人,所以揀堂食。佢有個套餐比$30 就有 豆漿 + 豆腐花 + 咖喱魚蛋,抵過散叫既...係中環,呢個價唔話得啦...話哂個"老細"係節目講 呢個黃金組合 ,加埋佢磨劍多年既豆製品,第一次黎係要試下既,不過見到佢既"夏日推介"就想Try 下 "焦糖"同"蘭香子"加落豆品睇下係咩效果所以問老細佢就話$45轉焦糖豆漿+焦糖蘭香子豆腐花+辣魚蛋,咁我話:即刻轉啦~有佢阿媽出力支持,等左幾分鐘就有嘞~蘭香子係種子既一種,D甜品店成日用,但有咩功效,佢個鋪有張野就有寫~預防便秘,降低心臟病、中風、高血壓既機會,有好多維生素同纖維既一樣好有益既食物啦~魚蛋:幾夠香味,食落都爽口,唔會話太辣,個汁都夠味,配豆漿真係有解辣既效果。大小就有5蚊銀咁大到啦~焦糖蘭香子豆腐花:諗住 蘭香子 + 豆腐花 可能冇咩味,但因為加左焦糖水係個底,所以都
入面唔大,沒有坐位,堂食只有企,而且目測個空間勉強企到5,6個人到,所以佢主打外賣拎走既。去到堂食得1個人,所以揀堂食。佢有個套餐比$30 就有 豆漿 + 豆腐花 + 咖喱魚蛋,抵過散叫既...係中環,呢個價唔話得啦...
話哂個"老細"係節目講 [辣魚蛋+解辣豆漿]呢個黃金組合 ,加埋佢磨劍多年既豆製品,第一次黎係要試下既,不過見到佢既"夏日推介"就想Try 下 "焦糖"同"蘭香子"加落豆品睇下係咩效果
所以問老細佢就話$45轉焦糖豆漿+焦糖蘭香子豆腐花+辣魚蛋,咁我話:即刻轉啦~有佢阿媽出力支持,等左幾分鐘就有嘞~
蘭香子係種子既一種,D甜品店成日用,但有咩功效,佢個鋪有張野就有寫~
預防便秘,降低心臟病、中風、高血壓既機會,有好多維生素同纖維既一樣好有益既食物啦~
魚蛋:幾夠香味,食落都爽口,唔會話太辣,個汁都夠味,配豆漿真係有解辣既效果。大小就有5蚊銀咁大到啦~
焦糖蘭香子豆腐花:諗住 蘭香子 + 豆腐花 可能冇咩味,但因為加左焦糖水係個底,所以都有清清地既甜味,豆腐花可以話係佢既信心之作,咁又真係幾滑,D豆腐花佢都"片"得幾靚,加左蘭香子又加左層口感,整體唔錯~
焦糖豆漿:(無單獨影到相) 豆味略嫌不足,加埋焦糖水飲落唔似豆漿...可能叫返普通豆漿可能好D環境:店鋪細細,主要都係以外賣為主,堂食要企,企位唔多,簡單設計~
服務:唔會hard sell,你問乜佢笞乜~堂食嗌左佢會拎埋黎比你~食物選擇:主打豆腐花及豆漿,叧有賣街坊小食(如:魚蛋,燒賣),豆品提供超過十多種品味,亦可以加入不少配料如紅豆沙等供選擇。豆漿更可揀甜度正常、少糖及無糖,選擇變化多同彈性~
题外话/补充资料：
中環港鐵D2出
(以上食记乃用户个人意见 , 并不代表OpenRice之观点。)
张贴
