錫記雲吞麵食

营业中

休息中

第一次嚟呢一間雲吞麵，舖頭裝修就好似普通茶記咁。叫完粉面之後加$10可以有汽水。呢一晚我總共食咗一個麵加一支檸檬茶。呢碗雲吞麵我揀咗幼麵，碗入面一共有四粒雲吞。食落去嗰陣時啖啖都係肉，內裏好似包咗兩隻蝦以上。我未見過有一間雲吞麵店碗中會包埋青菜俾人食。青菜冇幾多鮮嫩嘅菜葉，大部份都係菜骨。湯底有少少油鏡，整體來講仲可以接受。一碗粉面本身係冇包嘢飲，所以我額外叫多咗一支檸檬茶。枱面上有醋、辣椒油同埋豉油可以比客人隨意添加落自己碗面度。整體來講算係不過不失，只係價錢有少少偏貴。呢一餐差唔多食咗成$50