我地晚市時間到，好快入坐，食物都好快到。
🥢蝦片
蝦片每片都好大塊，鮮蝦香味好脆口👍🏻仲有個店家自己整嘅冬蔭功醬點蝦片食。
🥢泰大獲冬蔭海鮮麵
大獲麵真係好壯觀，四隻大扇貝好厚肉，蝦都好大隻又彈牙，舖低嘅公仔麵係吸收哂啲冬蔭湯味，冬蔭湯好好味，酸味同鮮味都有，有小小辣椒一邊煲住，令味道更豐富，真係好有食慾💯💯如果需要加湯烚其他食物，店員係會1+1清水同冬蔭功湯咁樣加，咁就唔會太濃味或者無味👍🏻
我地另外叫左幾款火鍋配料
🥢泰式豬梅花肉片
豬梅花撈完雞蛋再拎去烚，食落好軟腍，份量都好多
🥢竹笙蝦滑
呢款菜式幾有創意，兩樣野我都好喜歡食，吸哂啲冬蔭功湯味真係好正
🥢手打流心鹹蛋黃墨魚丸
墨魚丸好爽口，咬開爆左啲鹹蛋黃漿岀黎，好滋味👍🏻
🥢十八碌扮
十八碌扮係菠蘿冰，飲落清甜夠哂凍
🥢勿跑扮
勿跑扮係椰子沙冰，白雪雪嘅沙冰好靚，飲落好有椰奶香，用嚟解辣真係好正👍🏻
成餐晚餐同朋友都食得好開心💯食物好食，另外想盛讚員工呀康服務真係好好，落枱每樣嘢都會介紹，主動幫忙加湯，好有禮貌💯💯💯
