雲桂香米線專門店

营业中

休息中

響銅鑼灣做完恤衫，行吓行吓，大少話不如響一度食個快嘅晚飯。其實我好少食小鍋米線，因為成日都覺得好大鍋，食唔晒。打開餐牌發現有我最愛嘅紅薯粉，即刻精神為之一振。大少揀咗小辣小窩米線，配三個餸有雞絲，雞翼同豆腐卜。我見到大少碗麵好大碗亦都有好多雞絲同配菜。大少叫嘅食物比較正路，都冇乜機會出錯，亦都冇乜話好食唔好食。味道普普通通囉。我就揀咗唔辣紅薯粉扣底，配豬潤同墨魚頭。紅薯粉就好煙煙韌韌，我超鍾意食。不過個豬潤就比較遜色，好林一啲都唔爽。雖然係簡單嘅一餐但係有大少陪我食紅薯粉，已經變得不簡單。