順德公漁村河鮮酒家

营业中

休息中

Daddy今日無啦啦話心情好，要帶我去漁村飲茶。因為之前一直都未嚟過，以為漁村就一定系食魚嘅，點鬼知竟然真係飲早茶嘅地方~~食早餐點可以少得叉燒包呢，呢度嘅叉燒包嘅味道都算比較正宗，叉燒包雖然一籠入邊得三個，不過每個都好大，而且入面嘅肥豬肉算比較少，好味！嚟漁村肯定要食佢呢度嘅特色魚粥啦！~~果然味道好鮮甜，魚唔會有腥味，而且魚片無咩骨，粥嘅味道好香好細滑，口感細膩。牛肉腸粉，腸粉皮比較薄，豉油又俾得啱啱好，所以唔會太鹹或者太淡。鳳爪排骨，味道一般啦，同出面嘅茶樓差唔多味道。