四寶食堂 (已結業)

新加坡黑醬油胡椒粉絲大蝦煲好有驚喜，粉絲炒得好乾身，啖啖都好重胡椒味好惹味，好似肉骨茶咁濃。大蝦有3隻，啖啖似好爽口，好飽肚。招牌沙嗲牛肉炒蘭花苔之前係第二間分店食牛扒有配蘭花苔，自此愛上左，所以今次encore。牛肉夠腍，沙嗲唔會太咸，蘭花苔依舊好食。蘭花苔其實係西蘭花x芥蘭混合體。冬陰功腐乳醬雞中翼其實係生炸雞翼再配冬陰功醬+腐乳醬，2個醬都好夾雞翼，但個人比較鍾意腐乳醬。雞翼新鮮炸，一咬開出晒煙。阿華田雲朵朱古力加超大量忌廉，忌廉唔洗錢咁🤣好抵飲。熱情果檸檬梳打好解膩的飲品，啱晒夏天飲。