將軍澳海濱散步/踩單車後，過嚟「戀上台式料理」坐吓，吹吹海風😌見menu比上一次嚟多咗選擇。
1
西瓜啵棒🍉
好搞笑，成支西瓜雪條插入杯沙冰度，非常消暑。
波蘿沙冰🍍
雖然賣相無西瓜果杯咁靚，但勝在飲極都飲唔完，好大杯！
松茸燉雞湯
估唔到呢度連燉湯都有，今日有松茸燉雞，夠滋補。
海爐魚🐟農場番茄🍅
本身怕辣唔打算食烤魚，原來佢有農場番茄湯底，完全唔辣。
爐魚幾大條，有興趣可以加配料同公仔麵。
魯肉乾扁四季豆
中式小菜常見嘅炒四季豆，加埋台式魯肉，惹味。
芋圓燒仙草糖水
最後點少得糖水，台式芋圓煙韌。
🛎️必試指數：8/10🔆
