作為香港碩果僅存保留點心車文化的懷舊茶樓
今次同朋友深夜飲茶，除咗必點傳統點心，更試了幾款創新菜式，驚喜連連！
🌟 青芥末雞腳筋 ($68)
真心驚艷！雞腳筋爽脆彈牙，沾滿微嗆不辣的青芥末醬，口感似魚皮但更煙韌，送酒一流！
芥末味點到即止，連怕辣的朋友都搶住食，絕對係必點佐酒小食！仲要係冇骨！
🦢 榴槤酥 ($42)
造型滿分的天鵝酥絕對要相機食先！酥皮層次分明，一咬即碎，內餡是澎湃的貓山王榴槤肉，熱辣辣爆漿流出，香濃綿滑得來唔會過甜，榴槤控必encore！
🐣 鹹蛋花雕燉肉餅（例） ($108)
懷舊功夫菜重現！手剁肉餅鬆化不柴，鹹蛋黃融入豬肉中，花雕酒香徹底滲透，揭蓋瞬間酒香四溢。最驚喜是蒸蛋吸收了肉汁精華，撈飯簡直無敵！
🦆 雪菜火鴨絲湯瀨粉（窩） ($138)
用復古公雞碗上桌超有feel！三個人分都夠食，火鴨絲份量十足，湯底濃郁不油膩，雪菜爽脆提鮮，瀨粉索盡湯汁依然保持彈牙，深夜暖胃之選！
🥟 點心車精選
推住點心車的阿姨一出現全場沸騰！搶到熱辣辣：
· 燒賣 豬肉鮮香肥瘦適中
· 山竹牛肉 陳皮香突出超傳統
· 排骨 嫩滑入味墊底芋頭吸盡精華
· 叉燒包 爆餡蜜汁叉燒，包身鬆軟
綠白格地磚、吊扇、鐵茶壺處處是老香港情懷。最有趣是要親自拎點心紙去點心車攞點心，完全重現七八十年代飲茶模式！服務員阿姨雖然忙碌但夠地道，晚市依然坐滿遊客同老街坊。
1
