影片
更多
2025-04-16
21 浏览
啱啱同老公去尖沙咀食個午飯, 發現原來「兩草」係尖沙咀都有分店; 位於尖沙咀棉登徑嘅舖頭好有懷舊情懷, 佢屬於平民食堂, 雖然地方唔大, 但夠哂地道, 而且價錢親民, 絕對啱哂打工仔同學生哥嚟食飯呀！餐牌上嘅食物選擇唔算多, 睇落好似好簡單嘅料理, 但味道真係唔錯呀! 呢間店長好有禮貌, 服務好好。鮮蝦胡椒湯米 - $48呢碗鮮蝦胡椒湯米真係好濃郁, 湯底入口有啲啲微辣, 胡椒味非常突出。鮮蝦有四隻, 份量唔算少, 爽口彈牙, 落湯裏面煮得好入味, 而且新鮮得嚟易剝殼。香茅雞扒飯 - $40好香香茅味, 雞扒煎得香口, 雞肉好嫩滑一啲都唔柴, 又夠大塊, 性價比超高! 白飯再淋上少許甜鼓油, 配埋雞扒已經好夠味。淨肉餅 - $22煎肉餅可以淨叫, 都係佢地招牌之一。肉餅煎得金黃香脆, 內裡都好多肉汁, 送飯淨食都唔錯。脆香魚餅 - $27魚餅好彈牙, 唔會覺得煎得好油膩, 仲有淋咗少少甜鼓油, 真係好好味呀!檸檬薏米水 - $25檸檬薏米水, 酸酸甜甜, 清新又解渴, 感覺健康, 特別係天氣熱時飲返口, 真係好舒服。白桃烏龍冷泡茶 - $25低溫長時間萃取茶葉精華, 保留烏龍茶嘅醇厚茶
鮮蝦胡椒湯米 - $48
呢碗鮮蝦胡椒湯米真係好濃郁, 湯底入口有啲啲微辣, 胡椒味非常突出。鮮蝦有四隻, 份量唔算少, 爽口彈牙, 落湯裏面煮得好入味, 而且新鮮得嚟易剝殼。
香茅雞扒飯 - $40
好香香茅味, 雞扒煎得香口, 雞肉好嫩滑一啲都唔柴, 又夠大塊, 性價比超高! 白飯再淋上少許甜鼓油, 配埋雞扒已經好夠味。
淨肉餅 - $22
煎肉餅可以淨叫, 都係佢地招牌之一。肉餅煎得金黃香脆, 內裡都好多肉汁, 送飯淨食都唔錯。
脆香魚餅 - $27
魚餅好彈牙, 唔會覺得煎得好油膩, 仲有淋咗少少甜鼓油, 真係好好味呀!
檸檬薏米水 - $25
檸檬薏米水, 酸酸甜甜, 清新又解渴, 感覺健康, 特別係天氣熱時飲返口, 真係好舒服。
白桃烏龍冷泡茶 - $25
低溫長時間萃取茶葉精華, 保留烏龍茶嘅醇厚茶香, 同白桃的嘅自然果香, 口感甘甜不膩, 果香馥郁, 清新甘甜。
张贴
