雙雞煲🐤🐔（小辣）
田雞配上半隻三黃雞，田雞炸過後放入煲內加埋鮮味嘅三黃雞，配埋辣辣哋嘅醬汁，幾惹味😋，我個人覺得選小辣剛剛好，少少辣吊吓味又唔會搶味，醬汁充分令每件雞件上到色，一打開個蓋香噴噴，好適合近排涼涼哋嘅天氣食😋.
即製經典沙嗲牛肉餃🥟
食完個雞煲之後，開始加配料打邊爐，叫咗個好特別嘅沙嗲牛肉餃，平時沙嗲牛都食得多，第一次食係用嚟做餃子🥟嘅沙嗲牛，餡料紮實濃郁，幾特別.
🥗 龍鳳呈祥系列拼盤嘅豐富選擇
龍鳳呈祥雜菜拼盤和牛肉拼盤（細）賣相都好吸引🤩，雜菜拼盤用懷舊雙喜大杯裝住，將啲蔬菜好似插花咁放到好靚，種類同份量都好多，健康又美觀😍.
牛肉拼盤內包含本地手切牛肉、頂級雪花牛肉、南非和牛金錢展、牛舌片、骰子牛肉粒及牛胸尖，六款牛肉令肉食愛好者們心滿意足！🌈其中比較特別嘅係比較有咬口嘅和牛金錢展同爽脆獨特嘅牛胸尖.
經典配菜🍜🐮
我覺得打邊爐當然要叫出前一丁、牛丸同雞蛋🥚先至叫完美😍 叫咗爽口嘅牛骨濃汁牛丸（8粒），配埋生雞蛋同自己調配嘅醬汁，放埋落去出前一丁度加埋麻油，無得輸😋!
自家製飲品嘅清新搭配🥤
自家製陳年鹹檸七及鹹檸配Zero可樂，用經典紅色漱口杯裝住，冰涼嘅口感配埋甜中帶鹹嘅陳年鹹檸，飲完好透心涼！
服務方面也不錯，環境裝修同食物賣相都睇得出誠意👍🏻，唔怪之得有咁多好評😋.
