「蘇三甜蜜」的故事源自一對戀人「蘇仔」和「三妹」的愛情，蘇仔用心製作的牛奶布丁打動了三妹，成為他們的愛情信物與象徵，進而創立了這家以復古港式懷舊為主題的甜品店，店名「蘇三甜蜜」取自他們的名字，希望傳遞這份甜蜜回憶。
蜜柑桂花酒釀雪燕冰蘇🍨
記得相機📸食先！先抽起外層包裝紙，賣相好似一座雪山咁，再添加醬汁配料，配料有小丸子、手工芋圓、芒果蓉、西米、脆米粒，成個甜品嘅蜜柑味道好突出，好清新、唔會好甜！同雪燕好夾，由上到下慢慢筆黎食，超有驚喜呀！
茅台朱古力布丁🍮
上面塊朱古力整到茅台咁！超逼真呀❣️先敲碎白朱古力，再加上朱古力醬，酒味都幾濃郁，估唔到茅台同朱古力溝埋都幾夾呀！入面加咗布丁，口感好似食緊酒心朱古力咁！
雙芋西米椰汁雪葩🍧
加了雪葩，好似沙冰般的細緻綿滑，味道有少少似椰汁西米露，不會太甜，芋圓煙韌彈牙，最底係芋泥，食到係綿密、順滑嘅味。
迷你原創蘇三布丁三味🍮
有多款口味布丁可揀，我們揀了芒果小丸子芝士布丁、酒釀蜜柑芝士布丁、華田火山布丁。芒果酸酸甜甜，芝士布丁滑嘟嘟嘅味道，小丸子好煙韌！香甜多汁的蜜柑配上酒釀的微醺感，夾雜芝士布丁嘅香滑口感，一次品嘗不同的味道！華田火山布丁外觀看似一座火山，阿華田碎碎，苦澀的味道、布丁的奶香味，喜歡阿華田的朋友一定要試試！
1
