老荔冰室

营业中

休息中

抵食又好味嘅港式茶記，依間喺荔枝角嘅老荔冰室有好多正港式小食，裝修仲好懷舊好特別，門口戲棚元素、店內有龍鳳牆，啱晒鍾意懷舊香港風嘅你！滑蛋沙嗲牛肉飯：沙嗲牛份量多、味道偏甜、，牛肉夠嫩，加埋滑捋捋嘅蛋同沙嗲醬，食落好豐富。 生炸雞脾：超級大隻好邪惡啊，皮脆肉嫩，做小食一流。 沙嗲牛肉西多士：好特別，用沙嗲牛肉做餡，夾住烘到金黃香脆嘅多士，又係個唔錯嘅選擇。 麻麻地豬扒酸辣米線：夠晒麻辣，米線又彈牙，做主食幾好。 奶茶紅豆冰：奶茶夠香濃，紅豆又煙韌，夏天飲真係透心涼。 阿華田脆脆火山：阿華田味好濃，加埋脆卜卜嘅麥片，個口感好特別。 老荔冰室嘅嘢食又平又正，絕對值得試吓。無論你想食個簡單午餐，定係想試吓地道港式風味，呢度都係個好選擇。