金翠餐廳

营业中

休息中

好耐冇食過呢啲懷舊港式餐廳 行過見到 價錢唔貴 就入嚟試吓 懷舊一下🤪金翠巨人雜扒餐入面就包左餐包 餐湯同雜果沙律個雜扒餐入邊有豬扒 雞扒 牛仔骨 司華力腸 煙肉 煎蛋 有黑椒汁同燒汁揀 我就揀左燒汁可以揀鐵板上或者碟上 我就揀咗碟上 因為食嘅時候會方便啲 不過個雜扒嚟到嘅時候真係多到嚇親我呀 啲肉夾到勁高 真係一個人冇可能食得晒呀 佢嘅豬扒同雞扒都好厚 牛仔骨都唔會好韌 司華力腸超大條啊🤩食完之後仲有一個啫喱送 啫喱加花奶真係最佳嘅配搭😋嘢飲仲可以免費配紅豆冰 真係好地道嘅港式冰室呀🤣另外就叫咗個金翠牛柳 包埋煙肉同煎蛋佢全部餐都有包餐湯餐同嘢飲 最後都有一個啫喱送 牛柳可以揀三成五成或者七成熟 塊牛柳都好大塊 真係淨係食塊牛柳都夠晒飽啦🤤咁樣埋單都係三百幾蚊 但係就已經食到我哋兩個捧住個肚走 真係好抵呀😍