金燕島潮州酒樓

营业中

休息中

好鍾意潮州菜， 但現在要搵間正宗好食嘅潮州菜館一啲都唔容易。金燕島就係少數我食過有兒時味道嘅其中一間， 另外一間係九龍城。潮州菜碟頭較大，所以最好一大班人去食，好彩我地屋企人口足夠啫。今次我地嘅菜單有：鹵水鵝肝，超邪惡但唔食你實後悔！鵝片拼大腸，大腸做得好嘅菜館買少見少，所以我地見到餐牌有嘅通常都必點架喇，呢度嘅大腸好夠肥美，但完全冇羶味；鹵蛋，好味囉，講完；炸雙棗，並非我杯茶，我諗佢應該係叫做得好嘅， 但對我嚟講佢只係一碟炸物；呢度嘅煎蠔仔我覺得係必試之選， 因為佢唔係用粉漿做嘅，而係用蛋白， 所以食到好香蠔味之餘唔會覺油膩；呢個係沙爹牛？定係沙茶牛？唔多似潮州菜，純粹有人想食；我忌魚，所以點評唔到呢道枝竹炆班腩糖醋麵唔點唔算食過潮州菜囉；其實潮州嘅糖醋麵好似歸類為甜品架噃，潮州甜品有好多都好好味，人多就可以樣樣都點呢，綠豆爽清心丸，最平穩嘅糖水，簡單但美味 金瓜芋泥同福果芋泥，芋泥鏟得超香滑，明知佢落左勁多豬油但你還是會忍唔住一口接一口咁吃不停。另一道用芋頭做嘅甜品就係反沙芋喇，雖然都好好味，但自從我迷上芋泥之後就少食左喇。佢地嘅菜式味道同烹調方式都好似我細個食過，好懷念嘅味道。