憶食尚臘味煲仔飯

营业中

休息中

佐敦渡船街果邊有好多出名食店，今日嚟到附近嘅文匯街一間馳名煲仔飯，試咗兩個煲仔餸同飯，非常適合冬天嚟食。樓上座位比較寬敞，亦都較為新式。除咗煲仔，亦有各式小菜，見到好多一家大細過嚟食晚飯。黑松露雞煲以黑松露醬點綴雞煲，使雞味更突出，更惹味。煲仔盛裝受熱平均，雞件及配菜保持熱度，香濃美味。芥菜排骨煲呢煲仲更加熱，外面天氣凍冰冰，食完即刻暖胃。煲入面仲有黃豆，有好多芥菜，排骨亦唔靭。廣式臘味煲仔飯主角嚟啦，煲仔飯米飯粒粒分明，鍋巴香惹，內有臘腸、臘肉及臘鴨腿。店員會問需唔需要芫荽蔥，亦都會幫手刮起鍋巴，服務貼心。