憶食尚臘味煲仔飯

营业中

休息中

呢兩個星期明顯氣溫下降，係時候食一年一度嘅煲仔飯，大家認知煲仔飯大多集中於廟街，但行過小小會發現佐敦內有間好「地」嘅煲仔飯餐廳置身其中，同佢嘅外表完全地反差。2️⃣0️⃣1️⃣5️⃣ 晚飯時間🥢手工黃金麵配糖醋汁煎炸永遠都係香口，不過略嫌太多油，有啲似食緊媽咪麵，無驚喜但平穩，賣相夠靚的。🥢香酥一口腸無諗過原來係炸臘腸😆 幾特別的，送飯一流，夠香口。🥢特色臘味煲仔飯店員貼心幫我哋加芫荽、香蔥同豉油。攪勻之後賣相好靚，以百幾蚊一個煲仔飯嚟講係有啲貴，不過佢嘅米用得靚，有米香同埋有嚼頭，臘味有臘腸、油雞、臘肉，但係就冇潤腸，唯一美中不足。 然後佢嘅飯焦夠脆而唔燶，真心個飯底出色嘅。如果招呼朋友客戶想坐得舒服又想食得地道，呢間係值得一試，夠得體又美味。