Espresso Alchemy (美麗華廣場1期)

营业中

休息中

難得平日放假，訓到中午先起身，約埋閨蜜一齊去COFFEE SHOP食LUNCH。佢話想去Espresso Alchemy，揀咗美麗華分店，食完可以行下街！自助形式搵位，餐具、紙巾、水都係自助，環境都幾寬敞，一大張長枱夠闊落。呢幾日食得太多野，食滯左，一於叫返個沙律食先～青醬雞胸沙律配檸檬醋醬一上枱見到大大份，賣相好吸引，沙律菜同雞胸份量都好多！慢煮雞胸肉好嫩滑，食落夠juicy，好鍾意佢個青醬，兩者好夾！沙律菜配檸檬醋醬，酸咪咪好開胃～青醬烤雞芝士意大利三文治雞肉好嫩滑，配埋青醬好FRESH，夾著拉絲芝士、蕃茄等配料，個包烘得鬆軟，食落都幾飽肚架！生酮宇治抹茶忌廉卷見到甜品有生酮忌廉卷，好特別，一於同閨蜜開心SHARE試下先！宇治抹茶味好出好香濃，忌廉卷口感輕盈，啖啖軟綿好濕潤，中間仲夾著好多軟滑忌廉，無乜甜膩感，正啊！鮮奶朱古力見到靚靚拉花，心情都特別好！飲落好香濃，甜度岩岩好。