影片
更多
2020-06-15
96 浏览
餐廳採用半開放式設計，同阿媽行去搵下朋友到未，見到朋友坐喺餐廳門口位置，就過去打招呼，店員喺五、六張枱以外嘅收銀處（餐廳內中心位置）叫我哋過去量體溫，我聽到就叫阿媽過去，老人家反應慢啲，同朋友打緊招呼，只係遲咗10秒冇俾反應，真係只係10秒，店員竟然喺收銀處嗌咪，叫我哋過去量體溫，成間餐廳都以為我哋唔合作囉，其實我哋喺餐廳門口，收銀處係喺餐廳內中心位置，同門口相隔五六張枱以外嘅距離，我哋聽唔到有乜咁出奇，而且佢都只不過係嗌左一次，使唔使要開咪嗌呢，況且我哋喺門口位置，聽唔到嘅話店員點解唔行出來呢？當時收銀處聚咗三四個職員喺度，點解非要我哋行過去不可呢，真係莫名其妙！不過算啦，費事同佢計較，我就叫多次阿媽唔好打招呼住，過去俾佢量咗體溫先，量完體溫之後買咖啡，嗌咗幾隻咖啡都話賣晒，手沖咖啡得一款咖啡豆，仲要份量只夠沖一杯....咁大間咖啡店，要乜冇乜都算，都想走，不過同老人家一齊費時佢行嚟行去，佢又想坐低飲杯野，咁唯有勉強嗌杯手沖咖啡，杯咖啡難飲都算，仲要飲完覺得好唔舒服，之後嗰一個鐘直頭覺得嘔心丶心跳加速，都唔知係咪用埋啲劣質咖啡豆...自問唔係咩咖啡専家，不過好少飲咖啡會覺得唔舒服，除
不過算啦，費事同佢計較，我就叫多次阿媽唔好打招呼住，過去俾佢量咗體溫先，量完體溫之後買咖啡，嗌咗幾隻咖啡都話賣晒，手沖咖啡得一款咖啡豆，仲要份量只夠沖一杯....咁大間咖啡店，要乜冇乜都算，都想走，不過同老人家一齊費時佢行嚟行去，佢又想坐低飲杯野，咁唯有勉強嗌杯手沖咖啡，杯咖啡難飲都算，仲要飲完覺得好唔舒服，之後嗰一個鐘直頭覺得嘔心丶心跳加速，都唔知係咪用埋啲劣質咖啡豆...
自問唔係咩咖啡専家，不過好少飲咖啡會覺得唔舒服，除咗以前喺某啲茶餐廳飲齋啡會有同樣情況之外，真係極少會好似今日咁⋯⋯服務態度惡劣丶咖啡劣質，真係絕對唔會有下次
张贴