蓮香咖啡

营业中

休息中

睇返之前嘅長洲一日遊，其實仲有幾間餐廳仲未寫㗎，今日終於有啲時間，寫返位於長洲嘅蓮香咖啡，喺未去長洲之前，已經問過我自己嘅客人，長洲究竟有啲咩好食呀，佢哋義不容辭就話，梗係沙嗲豬潤麵啦，沙嗲牛肉就聽得多，沙嗲豬潤麵就真係第一次聽，本身我對內臟唔抗拒嘅，成件事夾埋真係好吸引，細個嘅時候都會有去長洲玩㗎，但係碼頭右邊嗰啲海鮮檔呢，真係好少會入去，當日啊一落船就立即去咗嗰邊海鮮檔，因為聽講沙嗲豬潤麵就喺裏面，行咗一個圈都搵唔到，去到真係要問下啲本地人先知道原來喺裏面，露天嘅大排檔，喺港島區真係買少見少，呢種風味零瀉特別嘅，通常呢啲大排檔嘅咖啡奶茶都特別好飲，去到第一時間梗係點左個沙嗲豬潤麵啦，叫多份炸豬扒，一杯凍奶茶一杯熱奶茶咁我哋兩個就開始食啦，講真露天大排檔都唔可以講有幾舒適，舒唔舒服就真係睇當日嘅天氣，好彩嗰日天氣真係好好，好啦個沙嗲豬潤麵嚟到，好特別食開嘅沙嗲牛肉嘅沙嗲係唔同㗎，味道偏鹹香，有好多花生碎，偏向流質嘅，最正係個豬潤阿， 我就唔係好識煮嘢食嘅，都係識少少扮代表嗰啲，我感覺個豬潤呢，係浸熟嘅，唔係煲熟，佢連豬膶熟得啱啱好，唔會好老，好飽滿嘅，依個豬潤阿， 深水埗嗰間維記真係