影片
更多
2022-07-08
52 浏览
本身諗住去食番個牛角Buffett ，不過實在太多人，唯有search吓附近仲有燒肉食，就搵到呢間試吓啦🫣個價錢同牛角差唔多，咁我地揀咗極上牛小排海鮮放題$378，位置都叫大同寬落，兩個人食仲有卡位坐，正😚一嚟到就有一份牛肉拼盤送上，裏面都包晒我呢啲套餐食到既牛肉，可以逐一試吓邊款啱食😝種類非常多，連肉味香濃既封門柳都有，牛頸脊同牛小排亦都十分之靚，油花分布平均，入口充滿油香🤤配啲白飯食簡直係一流👍🏻另外佢仲有月見汁配，誠意十足！海鮮方面就都可以，帶子同青口就大大粒，擺哂錫紙兜煮，方便又好味😋豬雞嗰啲就正正常常，主要集中食牛多😝呢度服務環境真係值得一讚，個爐吸油煙能力一流，除咗你燒燶野有白煙出之外，其餘時間真係唔似燒緊肉咁，另外上菜速度勁快，而且數量仲好夠，嚟得好足👍🏻👍🏻最後就食埋個movenpick雪糕就埋單走人了🤑🤑
個價錢同牛角差唔多，咁我地揀咗極上牛小排海鮮放題$378，位置都叫大同寬落，兩個人食仲有卡位坐，正😚
一嚟到就有一份牛肉拼盤送上，裏面都包晒我呢啲套餐食到既牛肉，可以逐一試吓邊款啱食😝種類非常多，連肉味香濃既封門柳都有，牛頸脊同牛小排亦都十分之靚，油花分布平均，入口充滿油香🤤配啲白飯食簡直係一流👍🏻另外佢仲有月見汁配，誠意十足！
海鮮方面就都可以，帶子同青口就大大粒，擺哂錫紙兜煮，方便又好味😋
豬雞嗰啲就正正常常，主要集中食牛多😝
呢度服務環境真係值得一讚，個爐吸油煙能力一流，除咗你燒燶野有白煙出之外，其餘時間真係唔似燒緊肉咁，另外上菜速度勁快，而且數量仲好夠，嚟得好足👍🏻👍🏻
最後就食埋個movenpick雪糕就埋單走人了🤑🤑
张贴
