影片
更多
2018-11-18
1510 浏览
九龍城雖然係泰國菜嘅集中地，但係其實附近都有好多唔同類型嘅小店，無論中式定西式都有唔少嘅選擇，朋友約咗我嚟到呢一頭附近打算買啲蝦子麵， 順便再搵下嘢食路過呢一間小店，見到環境幾舒服咁，於是推門一試。當晚雖然係平日，但係都有唔少嘅客人， 好幾張枱都已經係畀人book咗， 似乎有唔少熟客， 應該都有一定水平。整體裝修以橙黑色為主調，加上少少嘅掛畫，感覺一種意大利嘅家庭式小店。有唔少嘅酒類選擇， 適合配搭唔同種類嘅食物。對於有選擇困難症嘅朋友，亦有set menu可以選擇，不過我同朋友就冇咁樣揀啦。枱上面亦有橄欖油同黑醋提供，方便客人因應自己口味調配。侍應先送上自家製嘅蒜蓉包同芝麻麵包仔，麵包非常熱，朋友就比較鍾意食蒜蓉包，貪佢夠香口，而且好有蒜蓉同香草味， 至於我就比較鍾意芝麻包， 貪佢外脆內軟。而且仲有大大嚿牛油可以搽，不過我就冇用到喇，而係落咗少少橄欖油同黑醋，別有一番風味。先嚟嘅係前菜白酒煮大蜆同青口 ，味道食落非常新鮮，青口同大蜆嘅尺寸都非常之大，入面嘅蜆肉同青口亦都相當肥美飽滿，不過我就比較鍾意大蜆 ，食落比較鮮甜，有淡淡海水味。而每隻大蜆同青口亦都吸收咗相當香嘅白酒味，加上少少
當晚雖然係平日，但係都有唔少嘅客人， 好幾張枱都已經係畀人book咗， 似乎有唔少熟客， 應該都有一定水平。
整體裝修以橙黑色為主調，加上少少嘅掛畫，感覺一種意大利嘅家庭式小店。
有唔少嘅酒類選擇， 適合配搭唔同種類嘅食物。
對於有選擇困難症嘅朋友，亦有set menu可以選擇，不過我同朋友就冇咁樣揀啦。
枱上面亦有橄欖油同黑醋提供，方便客人因應自己口味調配。
侍應先送上自家製嘅蒜蓉包同芝麻麵包仔，麵包非常熱，朋友就比較鍾意食蒜蓉包，貪佢夠香口，而且好有蒜蓉同香草味， 至於我就比較鍾意芝麻包， 貪佢外脆內軟。
而且仲有大大嚿牛油可以搽，不過我就冇用到喇，而係落咗少少橄欖油同黑醋，別有一番風味。
先嚟嘅係前菜白酒煮大蜆同青口 ，味道食落非常新鮮，青口同大蜆嘅尺寸都非常之大，入面嘅蜆肉同青口亦都相當肥美飽滿，不過我就比較鍾意大蜆 ，食落比較鮮甜，有淡淡海水味。
而每隻大蜆同青口亦都吸收咗相當香嘅白酒味，加上少少香草調味，食落更加突出蜆肉嘅味道。
而餐湯就選擇咗蟹肉南瓜忌廉湯 入口非常creamy香滑， 南瓜好甜，飲落好幼滑， 而且加上好豐富嘅蟹肉， 味道唔錯。
同朋友講選擇咗一個主食， 叫咗呢一個橄欖油香蒜炒意粉，意粉口感剛好 軟硬適中，食落係al dente， 而且好香嘅蒜味， 橄欖油亦都好香，非常好食。
另一個選擇咗燴牛膝配意大利飯 ，牛膝煮得好冧， 肉質好，而且加上少少嘅筋，但啲筋腱位都炆住好冧，食落軟滑，豐富嘅骨膠原。
加上少少嘅番茄同香草嘅醬汁，配上芝士忌廉意大利飯，令人食得好飽好滿足。
最後仲有一個咖啡奶凍作結，配上清甜嘅哈密瓜， 上面有一層嘅 panna cotta， 好香嘅奶味， 但唔會太甜，下面就係濃郁嘅咖啡味，加上少少嘅脆餅，食落層次好豐富， 一個真係有少少唔夠喉。
不過見到門口有某間外賣apps嘅標誌，或者第時有機會，可以再試下呢間小店嘅外賣。
张贴
