玉桃軒酒家 (康怡廣場) (已結業)

夜晚八點係鰂魚涌收工，邊行邊諗晚餐食咩好，不知不覺就行到黎康怡廣場，抬頭就見到呢間玉桃軒酒家，跟住就行左入去。因為得兩個人，唔係食到好多野，所以淨係叫左兩道菜。第一味：老京城片皮鴨，由於得兩個人，所以冇叫到兩食。即叫即整即切，非常新鮮，皮脆肉嫩，肉汁豐富，配埋青瓜京蔥同醬汁，包埋一齊食簡直係絕配！第二味：上湯蝦球伊麵，蝦球爽口彈口，配搭煙韌既伊麵，再加上上湯作為醬汁，冇得彈！兩個人埋單四百幾蚊，價錢合理。