𝙏𝙍𝙄𝙋𝙇𝙀 𝘾 樓高兩層 座位寛敞。趁朝早人流唔算好多，係門口位嘆返杯啡都幾chill✨ 想靜靜地傾下計可以坐梳化位，想欣賞bartender嘅手藝就可以坐吧枱位！
▪️Super Egg Benedict $138
1
呢個egg benedict就唔係平時嘅用English muffin，而係用上厚pancake。班㦸軟熟甜甜地，配埋蛋汁同火腿 基本上係不敗組合，濕潤度恰到好處~ 伴碟嘅沙律菜新鮮，仲好似加咗蜜糖調味。不過份量真係偏細，味道未到好特別，貴左少少。
▪️油封雞腿伴野菜 $248
雞脾肉質好嫩滑，外皮好薄身，皮下脂肪入口即融，不過就唔算好香脆，有少少(騷?)味。旁邊嘅薯蓉綿密，仲有我最鍾意嘅爆汁酸甜車厘茄。同樣有啲貴
▪️紫薯比利時窩夫 $138
1
切開真係紫色架喎！聞落去就幾香紫薯味，不過食落又唔算好重，勝在唔會有陣好人工好甜嘅紫薯味。窩夫外層脆身帶焦香，內𥚃濕潤軟熟有彈性，唔會太乾硬，係我比較鍾意嘅質地。質地唔錯，不過味道比較單調、清淡，如果可以配返個紫薯醬就好啦！
▪️Saké Kasu Latte $54/hot
係用上「酒粕」嘅咖啡！入口先嘗到咖啡香，其後會感受到輕輕嘅sake風味幾特別喎~ 糊狀嘅酒粕沉澱於杯底，最後一口酒味尤其突岀。
