影片
更多
2013-04-25
85 浏览
多謝資深食家山區麵包王的引荐，今晚又可以三人行去試食。今晚的地點就是我家附近的馬來一餐廳，真係勁開心，第一次試食完可以行回家，超方便，嘻嘻。酒店係香格尼拉集團下的另一品牌，而馬來一餐廳前身係 Café 508，我都嚟過食自助餐，仲要三個月內去咗四次，哈哈，我仲好懷念嗰啲生蠔，當初係佢哋個 Facebook 知道轉了餐廳，都失落咗一陣子。重臨舊地，感覺依舊，裝飾沒有太大變化，公關先來簡介一吓，未去過星馬嘅我，對地方真係唔太熟悉，不過馬來一嘅餐牌上有地圖嘅，即刻一目了然。今晚我們與公關一起進餐，邊談邊食，整晚歡笑聲此起彼落，真係輕鬆愉快的一晚。1. Drinks (飲品)柑桔特飲 $23Calamansi Drink以馬來西亞獨有的柑桔製成，味道清新，甘甜而不澀，作為餐前第一杯飲品，很開胃呢。香茅特飲 $23Lemongrass Drink對綠色不太偏愛，不過見食友們試過，我又點可以唔試呢？香茅味道清新，條條班蘭葉的果凍，似乎星馬菜是喜歡將果凍類碎上，令我想起上次係另一間星馬餐廳食過條條涼粉雪糕。果然班蘭可以更突出，確是不錯的飲品。2. Straits Delights (地道星馬美食)
酒店係香格尼拉集團下的另一品牌，而馬來一餐廳前身係 Café 508，我都嚟過食自助餐，仲要三個月內去咗四次，哈哈，我仲好懷念嗰啲生蠔，當初係佢哋個 Facebook 知道轉了餐廳，都失落咗一陣子。重臨舊地，感覺依舊，裝飾沒有太大變化，公關先來簡介一吓，未去過星馬嘅我，對地方真係唔太熟悉，不過馬來一嘅餐牌上有地圖嘅，即刻一目了然。
今晚我們與公關一起進餐，邊談邊食，整晚歡笑聲此起彼落，真係輕鬆愉快的一晚。1. Drinks (飲品)
柑桔特飲 $23
Calamansi Drink
以馬來西亞獨有的柑桔製成，味道清新，甘甜而不澀，作為餐前第一杯飲品，很開胃呢。
香茅特飲 $23Lemongrass Drink
對綠色不太偏愛，不過見食友們試過，我又點可以唔試呢？香茅味道清新，條條班蘭葉的果凍，似乎星馬菜是喜歡將果凍類碎上，令我想起上次係另一間星馬餐廳食過條條涼粉雪糕。果然班蘭可以更突出，確是不錯的飲品。
2. Straits Delights (地道星馬美食)
沙嗲雞肉 / 牛肉串燒 (6 串) $72
Satay - Chicken / Beef (6 pcs)
沙爹串燒係我嘅至愛，肉串燒得很香，我吃的牛肉很鮮嫩，沙爹醬很濃郁惹味，如果可以食多啲就好喇！而沙爹醬配上煙韌的飯糕，一濃一淡，配搭特別，以青瓜和洋蔥伴食，可以中和串燒的 ‘熱氣‘ 感，食起來又可以健康啲。
星洲香辣烤魚 (2 件) $32Singapore Otak-Otak (2 pcs)
金黃色的香辣烤魚放在蕉葉上，香味四溢，食第一口烤魚，嘩！好辣，因為我本身唔食得辣嘅，所以唔好用我 ‘好辣’ 嘅標準而決定叫唔叫呢個菜式。烤魚肉不乾身，好腍身，而好像食到魚卵部份，因為對我來說真係辣，所以都味覺有點遲鈍，哈哈。原來用咗星洲土生華人傳統辣醬，真係好佩服佢哋咁食得辣。
馬來炸雞 $53Malay Fried Chicken (3 pcs)
用咗香辣黃薑醬汁醃製好嘅雞塊，顏色很深，外脆內軟，雞肉嫩滑，食落好香口，食完再飲番啖柑桔特飲潤吓喉，就無咁熱氣。
3. Noodles (麵)
檳城亞參叻沙 $82
Penang Assam Laksa
檳城亞參叻沙唔係周圍有得食，無論賣相和味道都新加坡叻沙好唔同，味道似檸檬蒸烏頭，原來係用咗酸味辣魚濃湯，再加上新鮮菠蘿，青瓜，薄荷，蔥頭，薑花等配料，酸中帶甜，食落又幾開胃。米線係細細條，食嘅時候唔會彈到周圍都係。另外亦附有檳城特式蝦醬，味道不像香港大澳的，可按個人喜好添加。
新加坡叻沙 $88Singapore Laksa
大家見慣嘅就係新加坡叻沙，味道同我之前係 Café 508 食嘅差唔多，濃烈椰漿辣湯麵，椰奶味香濃，惹味可口，加上豆卜，魚餅，雞蛋，蝦，叻沙菜等配料，很豐富的一個叻沙。
4. Rice (飯)
海南雞飯 $108
Hainanese Chicken Rice
雞肉嫩滑，香飯味道適中，最怕味過濃的那種。可按個人喜好配特製辣椒醬，薑蓉或黑醬油。
巴生肉骨茶 $98Klang Bakut Teh
公關特意為我們安排 ‘走飯’，好讓我哋可以試更多其他美食。巴生肉骨茶用上多種中藥材熬製，排骨湯味道香濃，肉骨很軟腍，配上中式油條，一脆一軟，另附上辣椒，蒜蓉及黑醬油，可隨意添加。
5. Veggies (蔬菜)馬拉盞炒通菜 $45
Sambal Belachan Kangkong
翠綠鮮嫩的通菜，用咗特色辣椒及蝦醬來炒，香辣味和蝦醬味配搭好好，食完開胃美味，越食越想食。
咖哩香葉炒茄子 $45Fried Egg plant with Curry Leaves
茄子係我嘅至愛，見到呢個咖哩香葉炒茄子咁特別，一定要試。茄子以香蒜，蔥，咖哩葉一起炒，自己平時有食開避風塘茄子，估計也是差不多的菜式，不過當服務員奉上我們面前時，發現唔同嘅？嘩！嘩！好大隻，真係好似炸蠔！金黃色的表面，外酥內軟，確係幾香口。
6. Desserts (甜品)
椰汁黑糯米 $28Bubur Pulut Hitam
平時好少食黑糯米，不過賣相都平時見到嘅都好唔同，椰漿味香濃，黑糯米煙煙韌韌。
西米布甸 $28
Sago Pudding
原來西米布甸係用粒粒西米做成半圓形，平時好少食西米布甸，未能比較。椰漿，棕櫚糖和西米的搭配很有特色。
香蘭椰絲卷 (2 件) $28Kuih DadaR (2 pcs)
青綠色的班蘭餅皮，包著棕櫚糖椰絲餡料，甜椰椰的，好似食緊椰絲糖。
咖央多士 $22
Kaya Toast
香脆多士內有班蘭味椰子醬，班蘭和椰子香味濃郁，
榴槤布甸
其實我自己唔知自己食唔食到榴槤，哈哈，因為沒有刻意買來食，不過平時路過生果店又唔抗拒榴槤味。於是今日我係第一個表示要試嘅，嘻嘻。淡淡色的榴槤布甸，老友食家話似是榴槤濕包，因為我唔知涼咩係濕包，哈哈哈哈。不過榴槤布甸又真係幾好食，軟滑綿綿，很不錯。
食過甜品，很滿足的一餐，期待餐廳推出其他特色食物。张贴
