影片
更多
2017-06-05
506 浏览
每次去親長洲，我一定一定會去幫襯蓮香。雖然端午節天氣熱，但無損我搵好野食嘅興致。蓮香似一般我地細個嘅大排檔，有大風扇，有帳篷？枱櫈唔係好似餐廳咁靚，膠櫈，普通一張大圓枱，但係一間好食嘅食肆絕對唔會被外表拉低分數。講下呢碗粉麵先，我好鍾意佢新鮮鱿魚，然後我會叫沙嗲湯配瀨粉。配咩麵食唔係重點，重點係湯底同魷魚。材料多，碗粉麵黎到個刻係熱騰騰，有廚師個份熱誠係入面。再者，呢碗粉麵只需32蚊左右，雖不包任何飲料，但好值。自從我每次黎長洲都必食之後，我男友都受影響，一試難忘。好食程度係佢話：如果開黎香港島，我日日食都唔會厭😂但留意返有時魷魚好搶手，試過有次臨走前想買一碗（大概下午三點左右），已經賣晒！所以有心入去試就早少少，因為佢地都好早就開檔。以物價高漲嘅年代黎講，呢碗粉麵絕對超值。唔係價錢平到十幾廿蚊都食到，但至少人地肯用新鮮材料，亦唔會將貨就價，仍然會俾好多魷魚。😚未試過真係要去試
蓮香似一般我地細個嘅大排檔，有大風扇，有帳篷？枱櫈唔係好似餐廳咁靚，膠櫈，普通一張大圓枱，但係一間好食嘅食肆絕對唔會被外表拉低分數。
講下呢碗粉麵先，我好鍾意佢新鮮鱿魚，然後我會叫沙嗲湯配瀨粉。配咩麵食唔係重點，重點係湯底同魷魚。材料多，碗粉麵黎到個刻係熱騰騰，有廚師個份熱誠係入面。
再者，呢碗粉麵只需32蚊左右，雖不包任何飲料，但好值。
自從我每次黎長洲都必食之後，我男友都受影響，一試難忘。好食程度係佢話：如果開黎香港島，我日日食都唔會厭😂
但留意返有時魷魚好搶手，試過有次臨走前想買一碗（大概下午三點左右），已經賣晒！所以有心入去試就早少少，因為佢地都好早就開檔。
以物價高漲嘅年代黎講，呢碗粉麵絕對超值。唔係價錢平到十幾廿蚊都食到，但至少人地肯用新鮮材料，亦唔會將貨就價，仍然會俾好多魷魚。😚未試過真係要去試
张贴
