椰子樹泰國料理

营业中

休息中

呢日放工之後同男朋友去左西營盤呢間泰國餐廳食dinner。餐廳位置有啲隱蔽，相信平時都係做街坊生意多。打開餐牌，見到都有好多選擇，感覺好吸引。我地點左麵包焗咖喱軟殼蟹，軟殼蟹炸到好香脆，放入惹味既咖喱正到，啲咖喱唔會太辣，口味好岩香港人食，點多碗白飯，撈飯食一流。小食方面，點左燒豬頸肉，豬頸肉既口感實淨，亦都唔會太油膩，燒到好香，配埋香辣既醬汁，perfect！食泰國野當然要點返個椰青啦，椰青又大又鮮甜，好味道。