一坐定熱情既店員姐姐就問我地係食開定未黎過 介唔介意佢介紹一下咁 講得好詳細又有禮貌 好感度即時大增
基本上同普通既蕃茄湯店一樣 都係蕃茄加滑蛋 加一個粉同一個配料
我就揀左螺絲粉 同埋雞軟骨餃子 滑蛋比較細份 但食得出唔係溝到好稀既蛋液 而係一隻隻蛋既打落去 咁當然如果大份少少就更好啦 餃子炸得香脆 又有爽脆既口感 唔錯唔錯
朋友就叫左意粉同鹽燒牛小排 薄薄一片既牛小排用左黑椒 唔夠可以問店員拎 好好食 牛味好濃郁 難怪一叫就話我地識食
另外我地叫左個西蘭花 賣相唔錯 不過底下西蘭花出左水出黎 令到個汁淡口左 除此之外大致上都好好食 特別支持呢類有心既小店 大家都可以去試下呀
