影片
更多
2018-10-07
200 浏览
實在想不到餃子可以去到呢個層次。有日本人去到太子工作，打算食野，同行手足話不如食美味餃子店。我心諗，標榜自己好食個啲鋪九成都係吹大咗，家陣仲要用美味做鋪頭名，堅唔堅呀？八點幾一去到門口，咁多人排隊嘅多人排還多人排，美味還美味，兩樣野來的。啲珍珠奶茶鋪夠排成個鐘啦，啲人打卡個陣咪又係話中伏！我望住有深水埗特色的粉紅光管，再望下美味餃子店個個用上老派字體，加埋壞咗幾個字的led燈牌，好feel到呢間鋪對aesthetics係冇要求，唔知啲餃又有冇獨特美學呢？排了三個字，入去坐個陣呀姐問：食咩呀？我未講野佢就話：得返韮菜餃咋。Ok，我手足一早就話白菜餃好搶手，但得瓜韮菜餃實在令我大失預算！咁你問乜啫！我好大聲咁係心入面講。等咗兩三個字，不斷有人入來，夥計都話賣曬餃子了。好彩我食到水尾！因為真是好吃！十隻韮菜餃，隻隻足料大大隻，我一個雄赳赳的男人吃七隻已經頂到上心口了！韮菜切得細但未至於碎，令咬落去個陣會feel到韮菜味，肉好入味。咁大隻餃，塊皮都唔厚，加上不會令個涵部分太熟，實在不容易！再加上個野葛菜生魚豬骨湯底，我投降了，真是好美味。野葛菜湯唔難飲到，但用來做餃子湯，令成碗野去到另一個un
有日本人去到太子工作，打算食野，同行手足話不如食美味餃子店。我心諗，標榜自己好食個啲鋪九成都係吹大咗，家陣仲要用美味做鋪頭名，堅唔堅呀？
八點幾一去到門口，咁多人排隊嘅
多人排還多人排，美味還美味，兩樣野來的。啲珍珠奶茶鋪夠排成個鐘啦，啲人打卡個陣咪又係話中伏！
我望住有深水埗特色的粉紅光管，再望下美味餃子店個個用上老派字體，加埋壞咗幾個字的led燈牌，好feel到呢間鋪對aesthetics係冇要求，唔知啲餃又有冇獨特美學呢？
排了三個字，入去坐個陣呀姐問：食咩呀？
我未講野佢就話：得返韮菜餃咋。
Ok，我手足一早就話白菜餃好搶手，但得瓜韮菜餃實在令我大失預算！
咁你問乜啫！我好大聲咁係心入面講。
等咗兩三個字，不斷有人入來，夥計都話賣曬餃子了。好彩我食到水尾！因為真是好吃！
十隻韮菜餃，隻隻足料大大隻，我一個雄赳赳的男人吃七隻已經頂到上心口了！
韮菜切得細但未至於碎，令咬落去個陣會feel到韮菜味，肉好入味。咁大隻餃，塊皮都唔厚，加上不會令個涵部分太熟，實在不容易！
再加上個野葛菜生魚豬骨湯底，我投降了，真是好美味。野葛菜湯唔難飲到，但用來做餃子湯，令成碗野去到另一個universe了！
我學日本人捧起飲曬碗湯！
仲有獨家辣椒豆椒菜脯，唔講有幾正了，食過你就知。
食完出鋪，我同燈牌個廚師對望，講了一句，好。
张贴
