環境
餐廳一邊係食日本嘢，另一邊係食西餐，呢個集團旗下嘅餐廳設計大多數都係咁樣，可以用盡空間！
餐牌
1
食物選擇好多吖！有晚市set餐廳，抵食好多。
和牛壽喜燒 $198 
有前菜，可選沙律或湯，有三大塊和牛😻三塊都幾厚同埋色澤紋路平均，壽喜燒嘅話牛肉我鍾意熟d先食，索到甜甜嘅湯底先正！亦有好多配料，有娃娃菜、金針菇、鳴門卷等等，好足料，仲配烏冬/飯。
石燒吉列霜降牛小排 $188
好耐無食過石燒牛啦！有正常款同吉列款，我就揀左後者。切件後有9-10件，色澤同樣均勻，可見油花相稱，燒至轉色就食得，肉質鬆軟配上吉列脆皮，口感更有層次。
追加：厚燒鰻魚玉子 $38 
唔想食成份覺得太多，咁啱有追加餐牌，半份份量半價價錢，玉子好厚實好足料，食左好飽肚！
總括而言，餐廳十分旺場，食物嘅份量都幾多，價錢合理，淨係望吓和牛咁大塊咁厚嘅壽喜燒$200唔使，難怪咁好生意啦！
