紅葉茶屋 (奧海城二期)

营业中

休息中

今晚去同朋友食飯，佢叫我陪佢去奧海城行吓街，順便夜晚係果邊食個便飯。咁岩行攰左係附近搵左間食日式定食，因為行經過聞到好香生薑燒豚肉味。我就梗係叫反個生薑燒豚肉定食配凍百香果茉莉花茶🩷🩷🩷🩷🩷果然真係好有驚喜，一上菜已經聞到勁香好肚餓了。佢係甜甜地個醬汁炒香個豚肉配埋白洋蔥好清甜，送飯一流。再配埋啲漬物仲有個麵豉湯好豐富。佢個百香果茶飲到酸酸甜甜既百香果味同埋茉莉花既茶味。另外叫左個鹿兒島一口和牛定食配蘋果汁加配炸餃子🩷🩷🩷🩷🩷佢個一口牛入口即溶同埋都炒得岩岩好，咬落好juicy又係送飯好正！佢個蘋果汁酸酸甜甜好開胃，同埋個炸餃子超脆即叫即炸熱辣辣。我仲有叫多個我最鍾意食既燒鱈魚片🩷🩷🩷🩷🩷竟然呢度有得嗌。食完之後本身想搵間甜品舖食吓飯後甜品，點知見到呢度有埋甜品食，佢個抹茶提拉米蘇我好想試下，朋友想食佢嘅牛奶軟雪糕我叫左呢兩款。佢個抹茶提拉米蘇真係驚艷咗我🩷🩷🩷🩷🩷🩷，抹茶味好夠濃，又夠creamy奶味都好濃郁配搭得好好😍。牛奶軟雪糕有啲似牛奶妹個軟糖味，甜甜地既牛乳味。無諗過呢間餐廳咁有驚喜。