叫咗個豐富版嘅套餐，有燒肉28塊，其中有和牛，牛舌，雞肉同豬肉等等。又有沙律同兩杯$49以下嘅飲品，差唔多等於叫咩飲都得。
前菜沙律，羅馬生菜好新鮮，蝦竟然有蝦味同幾甜，不錯。
燒肉：頗豐富 當中和牛好味，可惜脂肪分佈唔平均，打咗折扣。一口牛有少少韌。牛舌有牛味，正。雞肉同豬肉正常。
呢個肉稍為醃咗，好味啲，腍滑啲。有四大塊，套餐包埋嘅。單點盛惠$82。
男友努力燒肉中。。。。。。
叫多個牛角飯，紫菜好香，入面有啲肉汁麻油咁，好香好好味。$28大大碗，還可以啦。
是晚都算食得開心，服務正常，會員享有免開瓶費優惠，帶支燒酒紅酒黎飲下都不錯啊!😀
