翠玉軒

营业中

休息中

前幾日同另一半去咗中環翠玉軒食晚飯。餐廳環境非常優雅，座位之間唔會擠迫，不過枱嘅高度好似比較矮？坐得唔太舒服。言歸正傳，我哋叫咗以下食物：花雕蒸蟹鉗： 差不多一隻手掌✋🏻大的蟹鉗下面鋪滿一層滑滑嘅水蛋，蛋加蟹肉一齊食，正！蟹肉乾撈翅：上湯另上，連湯食最好味！魚翅燕窩釀雞翼： 最爽的係冇骨可以大啖食！ 不過大口咬完又後悔，慢慢食先可以細嚐高級食材同煎雞翼的味蕾衝擊！滋味炆牛尾：必點！送飯一流！牛尾肉非常嫩，又'林'，吸收哂醬汁好野味！建議兩個人共享一份，因為份量頗大，一個人食再送飯會好易飽。見到我地點的餸菜偏向高級（又翅又蟹鉗），當然是因為有信用卡優惠啦！其實冇優惠都會繼續試試其他菜式，因為好似全部都好精緻呢！