Park café

在尖沙咀地點方便，價錢抵。又可以坐得舒服，傾得耐，是同朋友吹水閒聊好地方👏 自助餐選擇唔算特別多，但係應有盡有。 飲品有咖啡機，可以自己選擇或者橙汁、檸檬茶自己自助任飲。海鮮冷盤、刺身都有大路的選擇，三文魚几新鮮，冷盤有蝦、蜆同埋青口，🦐🦐好大隻👏👏 沙律竟然有羽衣甘藍、 紅菜頭🥗，是健康之選!仲有酒店buffet少見嘅豬腳薑，熱食會有點心、燒味、炒飯、蔬菜，另加每人兩隻焗蠔，酒店員工會派飛畀你，自己出去憑券領取。即焗即取 ，味道唔錯。 甜品有好多即製食品: 有即焗窩夫，紅豆鯛魚燒都係廚師即刻焗制🧇甜品有唔少選擇，雪糕有dreyer's同埋牛奶公司2款。總結: 以二百几的價錢，可以坐兩個半鐘，有咁多食物選擇，地點又方便，而且食物質素都唔差，算係非常抵👍